کوردستان شەپۆلێكی بەفر ‌و باران باشووری کوردستان دەگرێتەوە

شەپۆلێكی بەفر ‌و باران باشووری کوردستان دەگرێتەوە


کۆتایی ئەم هەفتەیە شەپۆلێكی بەفر ‌و باران روو لە باشووری كوردستان دەكات. پێشبینی دەكرێت رۆژی پێنجشەممە لە ناوچە شاخاوییەکان بەفر ببارێ و، رۆژی هەینیش بگاتە سەنتەری شارەكانی سلێمانی ‌و دهۆك.

فازڵ ئیبراهیم، بەڕێوەبەری گشتیی كەشناسی ‌و بوومەلەرزەزانی هەرێمی كوردستان رایگەیاند، لە رۆژی پێنجشەممە 18-1- 2018 ەوە شەپۆلێكی بەفر‌ و باران روو لە باشووری كوردستان دەكات، رۆژی پێنجشەممە لەنێو شارەكاندا بارانی پچڕپچڕ دەبارێ‌، لە ناوچە شاخاوییەكانیش بەفر‌، پێشبینیش دەكرێت رۆژی هەینی بەفربارین بگاتە سەنتەری شارەكانی سلێمانی ‌و دهۆك.

بەڕێوەبەری گشتیی كەشناسی ‌و بوومەلەرزەزانی هەرێمی كوردستان باسی لەوەش كرد کە ئێوارەی رۆژی پێجشەممە پلەی گەرما بۆ ژێر سفر دادەبەزێ، بۆ رۆژی شەممەش دۆخی كەشوهەوا ئاسایی دەبێتەوە.

لە هەرێمی كوردستاندا بەراورد بە ساڵی رابردوو ئەمساڵ لە سەدا 50 كەمتر باران باریوە.

بابەتی زیاتر