سووریا كێڵگەی ماددە هۆشبەرەكانی ئێران و حزبوڵڵا لە سووریا ئاشكرادەكرێن

كێڵگەی ماددە هۆشبەرەكانی ئێران و حزبوڵڵا لە سووریا ئاشكرادەكرێن

 

بەپێی هەواڵی سایتە فەرمییە عەرەبییەكان لەوانە سایتی (ئۆرێنت)، رێكخراوی حزبولڵای لوبنانی بە هاوكاری ئێران لە "ریفی حەمس" لە سوریا ناوچەی "قەسیر"یان كردۆتە كێڵگەی ماددە هۆشبەرەكان.
ناوچەی "قەسیر" لە شوێنێكی ستراتیژی سووریا هەڵكەوتووە، رێگەیەكی سەرەكییە لە نێوان دیمەشق و حەمس و حەلەب و لازقییە، كە درێژ دەبێتەوە بۆ سنوورەكانی لوبنان، كە حزبولڵا تێیدا چالاكی دەنوێنێت، ئەم ناوچەیە كە كراوەتە كێڵگەی بازرگانی ماددە هۆشبەرەكان، بە زەوییەكی بە پیت ناویدەركردووە، هەریەك لە رێكخراوی حزبولڵا و ئێرانیش دەیانەوێت خەڵك لەو ناوچە گرنگە كشتوكاڵییە نەمێنێت و وەبەرهێنانی ماددە هۆشبەرەكان لەوێدا پەرەی پێ بدرێت.
قەسیر لە دوای شۆرشی سوریا لە ساڵی 2011ەوە زیاتر ناوبانگی دەركرد، بە تایبەتی كە ناوچەكە دژی دەسەڵاتی بەشار ئەسەد راپەرین، بەڵام رژێمی بەشار ئەسەد و ئێران و حزبولڵا بە هاوبەشی كاریان بۆ چەكداركردنی خەڵكی ناوچەكە كرد و كێڵگەی گەورەی ماددەی هۆشبەریان تێدا دامەزراند. ئەمەش تا راددەیەك وایكرد خەڵك ناوچەكە جێبهێڵن.
رژێمی كۆماری ئیسلامی ئێران لە ناوچەكەدا چەندین پرۆسەی هەمەلایەن بۆ هەڵمەتە سیاسییەكانی بەكاردەهێنێت، كە یەكێك لەو پلانانە پەرەپێدانی كێڵگەكانی ماددەی هۆشبەرە وەكو بازرگانی و بڵاوكردنەوەی هەستی نائاگایی لە نێو خەڵكدا و درووستكردنی پشێوی، هەریەك لە حزبولڵا و رژێمی سوریاش بەشداری سەرەكین لە پرۆسەكەدا.

بابەتی زیاتر