سووریا هاوپەیمانان: لە سووریا چەند جارێک تەقە لە هێزەکانمان کراوە

هاوپەیمانان: لە سووریا چەند جارێک تەقە لە هێزەکانمان کراوە

 

هاوپەیمانی نێودەوڵەتی دژ بە داعش رایگەیاند، لە باکووری سووریا چەند جارێک تەقە لە هێزەکانمان کراوەو، وەڵامان داونەتەوە.

رایان دیڵن، گوتەبێژی هاوپەیمانی نێودەوڵەتی دژ بە داعش رۆژی سێشەممە لە رێگەی تەلەفۆنەوە بە کەناڵی رووداوی رایگەیاند " لە دوو هەفتەی رابردوودا لە باکووری سووریا چەند جاریک تەقە لە هێزەکانمان کراوە".

دیڵن لەبارەی ئەو هێزەی تەقەی لە هێزەکانی هاوپەیمانانکردووە رایگەیاند، دیارنییە کام هێزانانە بە دیاریکراوی، بەڵام تەقەکردنەکە لەو ناوچەیە بووە کە لە ژێر کۆنترۆڵی هێزەکانی ئۆپۆزیسیۆنی سووریان کە لەلایەن تورکیاوەو پشتیوانیان لێدەکرێت.

گوتەبێژی هاوپەیمانی نێودەوڵەتی راشیگەیاند، هێزەکانیان وەڵامی ئەو تەقەیەیان داوەتەوەو، هاوکات بە بەرپرسانی تورکیاشیان راگەیاندووە کە هۆشداری بەم هێزانە بدەن، تەقە لە هێزەکانی هاوپەیمانان لە ناوچەکە نەکەن.

هێزەکانی هاوپەیمانان بە سەرۆکایەتی ئەمریکا بۆ پشتیوانی لە هێزەکانی سووریای دیموکرات 10 بنکەی سەربازییان لە باکووری سووریا و رۆژئاوای کوردستان هەیە و لەماوەی رابردوو هێزێکی زیاتری سەربازییان لە رۆژئاوای کوردستان جێگیرکردووە.

بابەتی زیاتر