تورکیا تورکیا مووچەی بایدەمیر دەبڕێت

تورکیا مووچەی بایدەمیر دەبڕێت

 

پەرلەمانی تورکیا لەسەر ناوھێنانی كوردستان لەناو كۆبوونەوەی پەرلەمان، مووچەی عوسمان بایدەمیر پەرلەمانتاری هەدەپە دەبڕێت.

بۆ یەکەمیجار لە مێژووی پەرلەمانی تورکیا، بە تۆمەتی ئەوەی لە کۆبوونەوەیەکی پەرلەماندا وشەی کوردستانی لەناو هۆڵی پەرلەمان هێناوە، بەشێك لە مووچەی عوسمان بایدەمیر پەرلەمانتاری پارتی دیموكراتی گەلان (هەدەپە) لەلایەن پەرلەمانی تورکیاوە بڕدرا.

رۆژنامەی حورییەتی ئاشكرای كرد، کە سەرۆکایەتی کاروباری دارایی پەرلەمانی توركیا، بڕیاریداوە 12 هەزار و 322 لیرەی تورکی کە دەکاتە زیاتر لە سێ هەزار دۆلار لە مووچەی بایدەمیر ببڕێت.

عوسمان بایدەمیر، لە کۆبوونەوەیەکی پەرلەماندا لە مانگی رابردوو لە وەڵامی سەرۆکایەتی پەرلەمان كە پێی گوت، كوردستان لە كوێییە؟، گوتی "کوردستان لە دڵی مندایە".

بابەتی زیاتر