کوردستان رۆژنامەنووس "شیفا گەردی" شەهید بوو

رۆژنامەنووس  "شیفا گەردی" شەهید بوو

 

بەهۆی تەقینەوەی بۆمبێک لە مووسڵ و لە کاتی رووماڵی شەڕی ئازادکردنی مووسڵ  شیفا گەردی شەهید دەبێت

 

 

بەهۆی تەقینەوەی بۆمبێکەوە، شیفا گەردی، ڕۆژنامەنووسی کەناڵی ڕووداو لە موسڵ شەهیدبوو، وێنەگرەکەشی برینداربووە.

تەلەڤزیۆنی ڕووداو لە ڕاگەیەندراوێکدا ئاماژەی بۆ ئەوە کردوە کە "ئەمڕۆ شەممە ٢٥ ی شوباتی ٢٠١٧ لەکاتی ڕووماڵی ڕووداوەکانی شاری موسڵ، بەهۆی تەقینەوەی بۆمبێکی چێندراو، شیفا گەردی، ڕۆژنامەنووسی ڕووداو شەهیدبوو، وێنەگرەکەشی یونس مستەفا برینداربووە".

 

 

ڕۆژنامەنووس شیفا گەردی یەکێک بوو لە بێژەرەکانی کەناڵەکە و چەند جارێک چووەتە موسڵ و دەوروبەری بۆ ڕووماڵکردنی ئۆپراسیۆنی کۆنترۆڵکردنەوەی موسڵ.

شیفا گەردی دەرچووی بەشی راگەیاندنی زانکۆی سەڵاحەدین بوو ، لە تەلەڤزیۆنی رووداو بەرپرسی بەشی ئاوت پوتی ئەو کەناڵەبوو.

کەناڵی ڕووداو ئاماژەی بۆ ئەوەشکردوە کە "شەهیدبوونی شیفا گەردی کۆستێکی گەورەیە بەر تۆڕی میدیایی ڕووداو و رۆژنامەنووسانی کوردستان کەوت و زیانەکەی پڕناکرێتەوە".

بابەتی زیاتر