وتار پێشمەرگە شكۆی نیشتیمانێكە

پێشمەرگە شكۆی نیشتیمانێكە

 

دەبێت هەموو تاكێكی كورد بەگەورە و بچووكەوە، بەرۆشنبیرو نووسەرو هەژارو دەولەمەندەوە دەبێت هەموومان شانازی بە ئازایەتی و بەتوانای هێزی پێشمەرگەی كوردستانەوە بكەین و بەپیرۆزییەوە ناوی هێزی پێشمەرگە بهێنن، چونكە هێزی پێشمەرگە شكۆی میللەتێكی راگرتووە، ئەگەر وورد بينەوە لەمێژوو دەبینین ئەو میللەتانەی بەرگریان لە پیرۆزییەكانیان كردووە هەمیشە سەركەوتووبوون و بۆیە ئێمەی كوردیش پێویستە بەپیرۆزییەوە بەرگری لە شكۆی هێزی پێشمەرگە بكەین

 


ئەمرۆ كاتیك كەهەموومان بەووردی بەدواداچوون بۆ هەواڵەكان دەكەین و دەبينین كە هێزی پێشمەرگە چۆن لەرابردوودا هەمووكات بەرگری لەشكۆی نیشتیمان كردووە، بەدرێژايى شۆرشەكانی گەلی كورد و بەدرێژای ئەو شۆڕشانە هێزی پێشمەرگەی كوردستان توانیویەتی لەزۆربەی جارەكاندا سەركەوتوانە چۆك بەدوژمن دابدات.
ڕەنگە شكۆی هێزی پێشمەرگە و بەرزو پیرۆزی ووشەی پێشمەرگە ئەوەندە پیرۆزبێت من و سەدان نووسەری تریش نەتوانين تەعبیر لەسەركەوتنی شكۆی هێزی پێشمەرگە بكەين .
بۆیە تەنیا چەند خالێك باسدەكەم كە هێزی پێشمەرگەی كوردستان چەندە پیرۆزە بۆ گەلی كوردستان ، ئەوەی كە دەكرێت من دەمەوێت كەمیك وەلامی ئەو ناحەزانە بدەمەوە كە دەیانەوێت شكۆی پێشمەرگە لەكەداربكەن.
هێزی پێشمەرگەی كوردستان بەدرێژايى مێژوو چەندین داستانی قارەمانەی لەگشت ناوچە جیاوازەكانی كوردستان تۆماركردووە ، هەر لەداستانە پڕلە قارەمانەكانی هێزی پێشمەرگەی كوردستان وەك داستانەكانی شەری دەربەندی بازیان و داستانە قارەمانەكانی دەربەندی خان لەسالی 1961 و هەروەها شەری زۆزك و گەروی عومەراغاو شاخی ئەزمڕ لەسالی 1974 لەشۆڕشی ئەیلولدا، كە ئەو داستانانە ئەوكات دەنگدانەوەی لە ئاستی راگەیاندنەجیهانیەكانیش هەبوو، هەروەها داستانی مێژووی خواكورك لەسالی 1988 لەشۆڕشی گوڵانی پێشكەتووخوازدا كە ئەمانە هەمووی نیشانەی خەبات و قارەمانیەتی هێزی پێشمەرگەی كوردستانن لەو كاتەدا.
لەروویەكی ترەوە بەشایەتی هەموو جیهانیش هێزی پێشمەرگەی كوردستان لەدوای هێرشی تیرۆریستی داعیش زۆر بەجەرگانە زۆرترین سەركەوتنی لەگشت بەرەكانی جەنگدا بەدەست هێنا ، تەنانەت سەرجەم چاودیرانی سیاسی جەختی ئەوەیان دەكردەوە كە ئەو سەركەوتنەی هێزی پێشمەرگە بەدەستی هێناوە هیچ كام لەسۆپاكانی ولاتێكی وەك ئێراق و سووریا نەیانتوایوە ئەنجامی بدەن.
لەلایەكی ترەوە ئێستا بەچاوی خۆمان بینیمان كە چۆن هێزی پێشمەرگەی كوردستان زۆر بەجەرگانە توانی لەداستانە قارەمانیەكانی پردی و مەحموودیە چۆك بە حەشدی شەعبی بدات و ناچارییان بكات بۆ شوینەكانی خۆیان بگەڕینەوە، واتا ئازایەتی و بەتوانای هێزی پێشمەرگەی كوردستان دەنگدانەوەی لەسەر ئاستی جیهان دەنگدانەوەی زۆری هەیەو هەموو جیهان سەرسامن بە ئازایەتی و بەتوانای هێزی پێشمەرگەی كوردستان.
بۆیە بەبڕوای ئێمە دەبێت هەموو تاكێكی كورد بەگەورەو بچووكەوە، بەرۆشنبیرو نووسەرو هەژارو دەولەمەندەوە دەبێت هەموومان شانازی بە ئازایەتی و بەتوانای هێزی پێشمەرگەی كوردستانەوە بكەین وبەپیرۆزییەوە ناوی هێزی پێشمەرگە بهێنن، چونكە هێزی پێشمەرگە شكۆی میللەتێكی راگرتووە ، دەبێت هەموومان بەپیرۆزیەووە ناوی بهینین لەروویەكی ترەوە دەبێت ڕێگە بەكەس نەدەین سووكایەتی بەشكۆی نەتەوەیەك بكرێت.
ئەگەر وورد بينەوە لەمێژوو دەبینین ئەو میللەتانەی بەرگریان لە پیرۆزییەكانیان كردووە هەمیشە سەركەوتووبوون و بۆیە ئێمەی كوردیش پێویستە بەپیرۆزییەوە بەرگری لە شكۆی هێزی پێشمەرگە بكەین .

 

.سەرۆكی سەنتەری ئاریانا

بابەتی زیاتر