سووریا ئەمەریكا ئابڵووقە بە سەر كەسایەتی و رێكخراوەكانی سەر بە رژێمی سووریا دەسەپێنێت

ئەمەریكا ئابڵووقە بە سەر كەسایەتی و رێكخراوەكانی سەر بە رژێمی سووریا دەسەپێنێت

 

 

وەزارەتی دارایی ئەمەریكا رۆژی سێشەممە ئابڵووقنەی بەسەر 5 كەسایەتی و 5 رێكخراوی بۆ تۆمەتی پشتیوانی لە رژێمی سووریا ئابڵووقەی سەپاند

 

 

لە نێو كەسایەتییەكان كە ناوەكانیان لە نێو لیستی ئابڵووقەكانی وەزارەتی دارایی ئەمەریكایە، محەمەد عەباس، یەكێك لە نزیكەكانی رامی مخلوفە كە كوڕە خاڵی بەشار ئەسەدە. 

وەزارەتی دارایی ئەمەریكا ساڵی 2008 بە تۆمەتی گەندەڵی ئابووری و پێوەندی لەگەڵ رژێمی سووریا ئابڵووقەی ئابووری بەسەردا رامی مەخلوفدا سەپاندبوو.

وەزارەتی دارایی ئەمەریكا دەڵێت كە عەباس كاروبارە ئابوورییەكانی مەخلوف رادەپەڕێنێت. كۆمەڵەی خێرخوازی ئەلبوستان و بەرپرسەكەشی خراونەتە نێو لیستەكەوە چونكە مەخلوف خاوەنی ئەم رێكخراویە.

ئیهاب و ئەیاد مەخلوف، براكانی رامی مەخلوفیش لە لیستی ئابڵووقەكاندان. ئەم كەسانە تۆمەتبارن كە یارمەتی رژێمی سووریا و رامی مەخلووف دەدەن تا ئابڵووقەكان دەوربدەنەوە. ئیهاب مەخلوف، جێگری گشتی كۆمپانیای سیریاتێلە، كۆمپانیایی موبایلی سووریا كە رامی خاوەنەكەیەتی.

ئامانج لەم ئابڵووقەكانە دەستبەسەرداگرتنی سامان و داراییەكانی ئەم كەسایەتی و رێكخراوانەیە لە ئەمەریكا بۆ بەرگری لە ئاڵوگۆڕی بازرگانی نێوان كۆمپانیاكانی ئەمەریكا لەگەڵ ئەم كەس و رێكخراوانەدا.

 

بابەتی زیاتر